കോഴിക്കോട്: കീഴാറ്റൂര്‍ സമരത്തിലുള്ളത് വയല്‍ക്കിളികളല്ല, രാഷ്ട്രീയക്കിളികളാണെന്നും ബിജെപിയടക്കമുള്ളവരുടെ രാഷ്ട്രീയമുതലെടുപ്പാണ് അവിടെ നടക്കുന്നതെന്നും എഴുത്തുകാരന്‍ എം. മുകുന്ദന്‍.
അടിസ്ഥാന സൗകര്യങ്ങള്‍ നാടിനാവശ്യമാണ്. ചൈനയടക്കമുള്ള രാജ്യങ്ങളില്‍ റോഡ് നിര്‍മിക്കാനായി വയല്‍ഭൂമി ഉപയോഗിച്ചിട്ടുണ്ട്. നാടിന്റെ പച്ചപ്പ് കാത്തുസൂക്ഷിക്കണമെന്നതില്‍ സംശയമില്ല. എന്നാല്‍ പരിസ്ഥിതി വാദം വെറും പൈങ്കിളിയാകരുത്. ഏറ്റെടുക്കുന്ന ഭൂമിക്ക് ആവശ്യത്തിനു നഷ്ടപരിഹാരവും നല്‍കണം. ഇക്കാര്യങ്ങളെല്ലാം വയല്‍ക്കിളികള്‍ക്കു മനസ്സിലാകുന്നവിധം പ്രശ്‌നം ചര്‍ച്ചയിലൂടെ പരിഹരിക്കണമെന്നും മുകുന്ദന്‍ പറഞ്ഞു.
