ന്യൂഡൽഹി: ചോദ്യപേപ്പർ ചോർന്നതിനെ തുടർന്ന് സിബിഎസ്ഇയുടെ രണ്ടു പരീക്ഷകൾ റദ്ദാക്കി. പന്ത്രണ്ടാം ക്ലാസിലെ സാമ്പത്തിക ശാസ്ത്രവും പത്താം ക്ലാസിലെ കണക്ക് പരീക്ഷയുമാണ് റദ്ദാക്കിയത്. പരീക്ഷകൾ വീണ്ടും നടത്തുമെന്ന് സിബിഎസ്ഇ അറിയിച്ചു. ഔദ്യോഗിക വെബ്സൈറ്റിലൂടെയാണ് സിബിഎസ്ഇ ഇക്കാര്യം അറിയിച്ചിരിക്കുന്നത്.
കണക്കു പരീക്ഷയുടെ ചോദ്യ പേപ്പര് ചോര്ന്നെന്ന് കഴിഞ്ഞ ദിവസം റിപ്പോര്ട്ട് പുറത്തുവന്നിരുന്നു. എന്നാല് ഇന്നു നടന്ന പരീക്ഷയ്ക്ക് കഴിഞ്ഞ ദിവസം പുറത്തുവന്ന അതേ ചോദ്യപേപ്പര് എത്തിയതോടെയാണ് ചോര്ച്ച സ്ഥിരീകരിച്ചത്. ഇത് അധികൃതര്ക്കു ലഭിച്ചിരുന്നു. ഇന്നു നടന്ന പരീക്ഷയുടെ പേപ്പറുമായി ഒത്തുനോക്കിയപ്പോഴാണ് പേപ്പര് ചോര്ന്നതായി തെളിഞ്ഞത്.