തിരുവനന്തപുരം: വരാപ്പുഴയിലെ ശ്രീജിത്ത് കസ്റ്റഡി മരണത്തില്‍ സസ്‌പെന്‍ഷനിലായ ആലുവ മുന്‍ റൂറല്‍ എസ്പി എവി ജോര്‍ജിന്റെ സസ്‌പെന്‍ഷന്‍ പിന്‍വലിച്ചു.
ഇന്റലിജന്‍സ് എസ്പിയായി ജോര്‍ജിനെ സര്‍വിസില്‍ തിരിച്ചെടുത്തു. ശ്രീജിത്തിന്റെ കൊലപാതകത്തില്‍ ജോര്‍ജിന് പങ്കില്ലെന്ന ക്രൈംബ്രാഞ്ച് റിപ്പോര്‍ട്ടിന്റെ പശ്ചാത്തലത്തിലാണ് നടപടി. എന്നാല്‍ ജോര്‍ജിനെതിരായ വകുപ്പുതല അന്വേഷണം തുടരും.
മെയ് 14നായിരുന്നു എവി ജോര്‍ജിനെ സസ്‌പെന്റ് ചെയ്തത്. ഡിജിപിയുടെ അനുമതിയില്ലാതെ ടൈഗര്‍ ഫോഴ്‌സ് രൂപീകരിച്ചുവെന്ന് കാണിച്ചായിരുന്നു സസ്‌പെന്‍ഷന്‍. ഈ ടൈഗര്‍ ഫോഴ്‌സായിരുന്നു ശ്രീജിത്തിനെ കസ്റ്റഡിയില്‍ എടുത്തത്.
