അമേത്തി: റാഫേല് ഇടപാടില് കേന്ദ്ര സര്ക്കാരിനെതിരെ കോണ്ഗ്രസ് അധ്യക്ഷന് രാഹുല് ഗാന്ധി രംഗത്ത്. റാഫേല് ഇടപാടില് ഇതുവരെയുണ്ടായ വെളിപ്പെടുത്തലുകളെല്ലാം തുടക്കം മാത്രമാണെന്നും മൂന്നു മാസത്തിനുള്ളില് കൂടുതല് വിവരങ്ങള് പുറത്തുവരുമെന്നുമാണ് രാഹുല് പറഞ്ഞത്.
രാജ്യത്തിന്റെ കാവല്ക്കാരനല്ല മോദിയെന്നും അദ്ദേഹം കള്ളനാണെന്നും രാഹുല് ഗാന്ധി വീണ്ടും തുറന്നടിച്ചു. ബിജെപി സര്ക്കാരിനെ പ്രതിരോധത്തിലാക്കുന്ന വിഷയങ്ങളിലെല്ലാം മൗനം പാലിക്കുന്ന മോദി മൗനം അവസാനിപ്പിച്ച് മറുപടി പറയണമെന്ന് രാഹുല് ഗാന്ധി കഴിഞ്ഞദിവസവും പറഞ്ഞിരുന്നു.