വാഷിംഗ്ടണ്‍: അമേരിക്കന്‍ ജനതയ്ക്ക് ട്രംപ് ഭരണകൂടം ധനസഹായം നല്‍കുന്നതിനെ അഭിനന്ദിച്ച്‌ ലോകത്തിന്‍റെ പല ഭാഗത്തു നിന്നും ആളുകള്‍ രംഗത്തെത്തിയിരുന്നു. ട്രംപിന്‍റെ മറ്റൊരു നീക്കം പക്ഷേ, വലിയ വിമര്‍ശനങ്ങളാണ് ഏറ്റുവാങ്ങിയിരിക്കുന്നത്.
ആളുകള്‍ക്ക് ധനസഹായം നല്‍കുന്നതിനുള്ള ചെക്കില്‍ ട്രംപിന്‍റെ പേര് കൂടി രേഖപ്പെടുത്തിയിട്ടുണ്ട്. ഇതിനെതിരെ വ്യാപക വിമര്‍ശനങ്ങള്‍ ഉയര്‍ന്നു കഴിഞ്ഞു. ഡെമോക്രാറ്റുകളാണ് പ്രസിഡന്‍റിനെതിരെ രൂക്ഷ വിമര്‍ശനം ഉന്നയിച്ചിരിക്കുന്നത്. തെരഞ്ഞെടുപ്പ് കാലത്തെ ട്രംപിന്‍റെ മറ്റൊരു തന്ത്രമെന്നാണ് ഈ നടപടിയെ ഡെമോക്രാറ്റുകള്‍ വിശേഷിപ്പിച്ചത്. എന്നാല്‍, ഇതേക്കുറിച്ച്‌ തനിക്ക് ഒന്നുമറിയില്ലെന്നായിരുന്നു ട്രംപിന്‍റെ പ്രതികരണം.
അതേക്കുറിച്ചുള്ള മാധ്യമങ്ങളുടെ ചോദ്യത്തെ ചിരിയോടെ നേരിട്ട ട്രംപ് സാമ്ബത്തിക സഹായം ലഭിക്കുന്നതിന് കാലതാമസം നേരിടാതിരിക്കാനാകും ബന്ധപ്പെട്ടവര്‍ അങ്ങനെ ചെയ്തിട്ടുള്ളതെന്ന് പറഞ്ഞ് അതില്‍ നിന്ന് ഒഴിഞ്ഞുമാറി.
