പ്രവര്‍ത്തനം മെച്ചപ്പെടുത്താന്‍ ലോകാരോഗ്യ സംഘടനക്ക്​ 30 ദിവസത്തെ സമയം നല്‍കി ട്രംപ്​

വാഷിങ്​ടണ്‍: കോവിഡ്​ വിഷയത്തില്‍ ലോകാരോഗ്യ സംഘടന ചൈനയുടെ പക്ഷം ചേര്‍ന്ന്​ പ്രവര്‍ത്തിക്കുന്നുവെന്ന ആരോപണത്തില്‍ ഉറച്ച്‌​ യു.എസ്​ പ്രസിഡന്‍റ്​ ഡോണള്‍ഡ്​ ട്രംപ്​. വൈറസ്​ ലോകം മുഴുവന്‍ പരത്തിയ ചൈനക്കെതിരെ വിശദമായ അന്വേഷണം ആവശ്യപ്പെട്ട്​ ലോകാരോഗ്യ സംഘടന മേധാവി ടെഡ്രോസ്​ അദാനോം ഗെബ്രിയേസൂസിന്​ ​ട്രംപ്​ കത്തയക്കുകയും ചെയ്​തു.

പ്രവര്‍ത്തനം മെച്ചപ്പെടുത്താന്‍ 30 ദിവസത്തെ സമയവും അനുവദിച്ചു. അതിനകം കാര്യങ്ങള്‍ മെച്ചപ്പെടുന്നില്ലെങ്കില്‍ കടുത്ത നടപടികളിലേക്ക്​ നീങ്ങുമെന്നാണ് ട്രംപ്​ നല്‍കിയ മുന്നറിയിപ്പ്​. ലോകാരോഗ്യ സംഘടനക്ക്​ ധനസഹായം നിര്‍ത്തിവെച്ചത്​ പുനപ്പരിശോധിക്കുമെന്ന്​ കഴിഞ്ഞദിവസം ട്രംപ്​ ഭരണകൂടം വ്യക്തമാക്കിയിരുന്നു. കത്ത്​ പിന്നീട്​ ട്രംപ്​ ട്വിറ്ററില്‍ പ്രസിദ്ധീകരിച്ചു.

2019 ഡിസംബര്‍ ആദ്യമോ അതിനുമു​േമ്ബാ ചൈനയിലെ വൂഹാനില്‍ കോവിഡ്​ പൊട്ടിപ്പുറപ്പെട്ടുവെന്ന വിശ്വസനീയമായ റിപ്പോര്‍ട്ടുകള്‍ ലോകാരോഗ്യ സംഘടന അവഗണിക്കുകയായിരുന്നു. ഇതെ കുറിച്ച്‌​ വിശദമായി അന്വേഷണം നടത്തുന്നതില്‍ സംഘടന പരാജയപ്പെട്ടുവെന്നും ​ കത്തില്‍ ട്രംപ്​ വിമര്‍ശിക്കുന്നു.

ഡിസംബര്‍ 30 ഓടെ തന്നെ വൈറസ്​ പൊതുജനാരോഗ്യത്തിന്​ വലിയ വെല്ലുവിളി സൃഷ്​ടിക്കുമെന്ന്​ ലോകാരോഗ്യസംഘടന മനസിലാക്കി. ഇക്കാര്യം തായ്​വാന്‍ അധികൃതരുമായി അവര്‍ ആശയവിനിമയം നടത്തുകയും ചെയ്​തു. എന്നാല്‍ രാഷ്​ട്രീയ കാരണങ്ങളാലോ മറ്റോ മറ്റുരാജ്യങ്ങള്‍ക്ക്​ മുന്നറിയിപ്പുനല്‍കാനോ അവരുമായി ഈ നിര്‍ണായക വിവരങ്ങള്‍ പങ്കുവെക്കാനോ യു.എന്‍ സംഘടന തയാറായില്ല.
എന്തിന്​ അന്താരാഷ്​ട്രവിദഗ്​ധ സംഘത്തെ കുറിച്ച്‌​ അന്വേഷിപ്പിക്കാനും ​മുതിര്‍ന്നില്ല. കോവിഡ്​ പ്രതിരോധത്തി​​െന്‍റ കാര്യത്തില്‍ താങ്കളും താങ്കള്‍ നേതൃത്വം നല്‍കുന്ന സംഘടനയും തെറ്റുകള്‍ ആവര്‍ത്തിക്കുകയായിരുന്നു. ലോകം അതിന്​ വലിയ വില നല്‍കേണ്ടിവന്നു. 30 ദിവസത്തിനകം പ്രവര്‍ത്തനം മെച്ചപ്പെടുത്താന്‍ തയാറാകുന്നില്ലെങ്കില്‍ സംഘടനക്ക്​ നല്‍കിവരുന്ന സാമ്ബത്തിക സഹായം എന്നെന്നേക്കുമായി നിര്‍ത്തിവെക്കുമെന്നും അംഗത്വം റദ്ദാക്കുന്നതുള്‍പ്പെടെയുള്ള നടപടികളിലേക്ക്​ നീങ്ങുമെന്നും പറഞ്ഞാണ്​ ട്രംപ്​ കത്ത്​ അവസാനിപ്പിക്കുന്നത്​. നേരത്തേ ലോകാരോഗ്യ സംഘടന ചൈനയുടെ കളിപ്പാവയാണെന്നും ട്രംപ്​ ആരോപിച്ചിരുന്നു.

നിങ്ങളുടെ അഭിപ്രായങ്ങള്‍ രേഖപ്പെടുത്തൂ