കൊച്ചി: ക്രിസ്ത്യന് അസോസിയേഷന് ഫോര് സോഷ്യല് ആക്ഷന് എന്ന സംഘടന സമര്പ്പിച്ച പൊതുതാല്പര്യ ഹര്ജിയാണ് ചീഫ് ജസ്റ്റിസ് അധ്യക്ഷനായ ബെഞ്ച് തള്ളിയത്. സിനിമയ്ക്ക് ദൈവത്തിന്റെ പേരിട്ടെന്ന് കരുതി കോടതിയ്ക്ക് ഇടപെടാനാകില്ലെന്ന് കോടതി വ്യക്തമാക്കി. ജയസൂര്യയെ നായകനാക്കി നാദിർഷാ സംവിധാനം ചെയ്യുന്ന ഈശോ എന്ന പേരിൽ സിനിമ പുറത്തിറങ്ങിയാൽ തിയേറ്ററുകളിൽ പ്രദർശിപ്പിക്കാൻ അനുവദിക്കില്ലെന്ന് പി സി ജോർജും വ്യക്തമാക്കിയിരുന്നു. പേരിനെതിരെ മാത്രമാണ് പ്രതിഷേധം ഉള്ളതെന്ന് കത്തോലിക്ക കോണ്ഗ്രസ് നേതാക്കള് ചൂണ്ടിക്കാട്ടി. സിനിമയില് നല്ല കാര്യങ്ങളാണ് പറയുന്നത് എങ്കിലും ഈശോ എന്ന പേര് ഉപയോഗിക്കാന് പാടില്ല എന്നാണ് കത്തോലിക്കാ കോണ്ഗ്രസ് നേതാക്കള് ചൂണ്ടിക്കാട്ടിയത്. തൊട്ടു പിന്നാലെ പ്രതിഷേധങ്ങളോട് പ്രതികരിച്ച് മാക്ട രംഗത്തെത്തിയിരുന്നു.സിനിമ മതേതര മനോഭാവമുള്ള ഈ നൂറ്റാണ്ടിലെ കാലാരൂപമാണ്. എല്ലാവരും ഒരുമിച്ച് നിന്നുകൊണ്ട് ഏറെ സജീവമായി പ്രവര്ത്തിക്കുന്ന ഒരിടമാണെന്നും സമൂഹത്തിന്റെ മാനസികമായ സന്തോഷത്തിന് വേണ്ടിയാണ് സിനിമ നിലനില്ക്കുന്നതെന്ന് മാക്ട പ്രസ്താവിച്ചു.