മഹാരാഷ്ട്ര, പഞ്ചാബ്, കര്‍ണാടക, ഗുജറാത്ത്, തമിഴ്‌നാട് എന്നീ അഞ്ച് സംസ്ഥാനങ്ങളില്‍ പ്രതിദിന കോവിഡ് രോഗികളുടെ എണ്ണത്തില്‍ വര്‍ധന തുടരുന്നു. കഴിഞ്ഞ 24 മണിക്കൂറില്‍ രാജ്യത്ത് റിപ്പോര്‍ട്ട് ചെയ്ത പുതിയ രോഗികളുടെ 78.41% ഈ സംസ്ഥാനങ്ങളില്‍ നിന്നാണ്.
കഴിഞ്ഞ 24 മണിക്കൂറില്‍ 26,291 പുതിയ കേസുകള്‍ റിപ്പോര്‍ട്ട് ചെയ്തു. മഹാരാഷ്ട്രയിലാണ് ഏറ്റവും കൂടുതല്‍ – 16,620 (പുതിയ കേസുകളിൽ 63.21 ശതമാനവും മഹാരാഷ്ട്രയിൽ നിന്നാണ്). രണ്ടാം സ്ഥാനത്തുള്ള കേരളത്തില്‍ 1,792 പേര്‍ക്കും രോഗം സ്ഥിരീകരിച്ചു.
എട്ട് സംസ്ഥാനങ്ങളിൽ ദിനംപ്രതി പുതിയ കേസുകൾ വർദ്ധിച്ചുവരുന്നതായി കാണാം. മഹാരാഷ്ട്ര, തമിഴ്‌നാട്, പഞ്ചാബ്, മധ്യപ്രദേശ്, ഡൽഹി, ഗുജറാത്ത്, കർണാടക, ഹരിയാന എന്നിവയാണ് അവ. എന്നാൽ കഴിഞ്ഞ ഒരു മാസത്തേക്കാൾ സ്ഥിരമായി കേസുകളുടെ എണ്ണം കുറയുന്ന പ്രവണതയാണ് കേരളത്തിലുള്ളത്.
ഇന്ത്യയില്‍ ചികിത്സയിലുള്ള രോഗികളുടെ എണ്ണം 2,19,262 ആയി. ഇത് ആകെ രോഗബാധിതരുടെ 1.93 ശതമാനമാണ്.
അതേസമയം, ഇന്ത്യയുടെ മൊത്തം വാക്‌സിനേഷൻ കവറേജ് 3 കോടിയിലേക്ക് അതിവേഗം അടുക്കുന്നു.
രാജ്യമെമ്പാടും നടത്തിവരുന്ന വാക്സിനേഷന് നടപടിയുടെ ഭാഗമായി ഇന്ന് രാവിലെ 7 മണി വരെയുള്ള താല്‍ക്കാലിക കണക്ക് പ്രകാരം 5,13,065 സെഷനുകളിലായി 2,99,08,038 പേര്‍ക്ക് വാക്‌സിന്‍ നല്‍കി.
ഇതുവരെ രോഗമുക്തി നേടിയവരുടെ എണ്ണം 1,10,07,352 ആയി. 96.68% ആണ് രോഗമുക്തി നിരക്ക്.
കഴിഞ്ഞ 24 മണിക്കൂറിൽ 17,455 പേർക്ക് രോഗം ഭേദമായി. പുതിയ രോഗമുക്തരിൽ 84.10% ആറു സംസ്ഥാനങ്ങളിൽ നിന്നാണ്. മഹാരാഷ്ട്രയിലാണ് ഇന്നലെ ഏറ്റവും കൂടുതൽ പേർ രോഗ മുക്തരായത് – 8,861.
കഴിഞ്ഞ 24 മണിക്കൂറിൽ 118 മരണം റിപ്പോർട്ട് ചെയ്തു. ഇതിലെ 82.20 ശതമാനവും ആറ് സംസ്ഥാനങ്ങളിൽ നിന്നാണ്. മഹാരാഷ്ട്രയിലാണ് ഏറ്റവും കൂടുതൽ – 50. പഞ്ചാബിൽ 20 പേരും കേരളത്തിൽ 15 പേരും മരിച്ചു. കോറോണവൈറസ് കണ്ടുപിടിക്കുന്നതിനുള്ള ഡിജിറ്റൽ പ്രക്രിയകൾ
കോറോണയും മറ്റു സാംക്രമിക രോഗങ്ങളുമുള്ളവരെയും കണ്ടുപിടിക്കുന്നതിനായി നിരവധി നടപടികൾ സ്വീകരിച്ചു വരുന്നു. അവ താഴെ പറയുന്നു:
1) IDSP യുടെ കീഴിൽ എല്ലാ സാംസ്‌ഥാനങ്ങളിലും, ജില്ലാ ആസ്ഥാനങ്ങളിലും സർവെയ്‌ലൻസ് യൂണിറ്റുകൾ സ്ഥാപിച്ചിട്ടുണ്ട്. സാംക്രമിക രോഗങ്ങളുടെ വിവരങ്ങൾ ഈ യൂണിറ്റുകൾ എല്ലാ ആഴ്‌ചകളിലും നൽകി വരുന്നു. ഇപ്പോൾ കോവിഡ്19 ന് വേണ്ടിയും ഇതേ പ്രക്രിയ തുടർന്ന് പോകുന്നു. വിദേശ രാജ്യങ്ങളിൽ നിന്ന് വരുന്നവരുടെ വിവരങ്ങളും IDSP യുടെ കീഴിൽ നൽകി വരുന്നു.
2) കോവിഡ്-19 കോൺടാക്ട് ട്രേസിംഗിനും, ലക്ഷണങ്ങൾ കണ്ടുപിടിക്കുന്നതിനും, സ്വയം-വിലയിരുത്തുന്നതിനും ആരോഗ്യ സേതു ആപ്പും ഉപയോഗിച്ചു വരുന്നു. കോവിഡ് ക്ലസ്റ്ററുകൾ കണ്ടുപിടിക്കുന്നതിനും ഈ ആപ്പ് സഹായിക്കുന്നു.
3) മറ്റൊരു ഡിജിറ്റൽ പ്ലാറ്റഫോം ആയ COWIN ആപ്പ് വാക്‌സിനേഷൻ പ്രക്രിയ ട്രാക്ക് ചെയ്യുന്നതിന് വിവിധ ഏജൻസികളെ സഹായിക്കുന്നു. ഇന്ത്യൻ പൗരന്മാർക്ക് ഈ ആപ്പിലൂടെ വാക്സിനേഷന് രജിസ്റ്റർ ചെയ്യാവുന്നതുമാണ്.
4) ‘കോവിഡ് ഇന്ത്യ പോർട്ടൽ-ടെസ്റ്റിംഗ് പോർട്ടൽ’ സംസ്ഥാന തല കോവിഡ് മാനേജ്മെന്റിന്റെ വിവര ശേഖരണം നടത്താൻ സഹായിക്കുന്നു.
കേന്ദ്ര ആരോഗ്യ സഹമന്ത്രി ശ്രി അശ്വിനി കുമാർ ചൗബേയാണ് ഈ വിവരങ്ങൾ രേഖമൂലം ലോക് സഭയിൽ നൽകിയത്
