ചെന്നൈ: ഇത്ര നാള്‍ നിശബ്ദനായിരുന്നു പനീര്‍സെല്‍വം എന്ന മുഖ്യമന്ത്രി. മൂന്ന് തവണ മുഖ്യമന്ത്രി പദവിയില്‍ എത്തിയിട്ടും മൗനം ആയുധമാക്കിയ എ.ഐ.എ.ഡി.എം.കെയുടെ സീനിയര്‍ നേതാവ് ഇന്നലെ രാത്രി പത്തരയോടെ ചിലതെല്ലാം തുറന്ന് പറഞ്ഞതിന് പിറകിലെ രാഷ്ട്രീയം തമിഴ്‌നാടിനെ ഇളക്കിമറിക്കുകയാണ്. പാര്‍ട്ടി ജനറല്‍ സെക്രട്ടറിയായും തുടര്‍ന്ന് മുഖ്യമന്ത്രിയാവാനും സാരിയണിഞ്ഞ ചിന്നമ്മ എന്ന ശശികലയുടെ മോഹങ്ങള്‍ക്ക് മുകളിലേക്കാണ് പനീര്‍സെല്‍വത്തിന്റെ പൊട്ടിത്തെറിയെത്തിയിരിക്കുന്
ഇന്നലെ ഞാന്‍ അമ്മയുടെ ആത്മാവുമായി സംസാരിച്ചു. ആസ്പത്രിയില്‍ വെച്ച് എന്നോട് മുഖ്യമന്ത്രിയാവാന്‍ അമ്മയാണ് നിര്‍ദ്ദേശിച്ചത്. ഇത്തരത്തില്‍ പാര്‍ട്ടിയില്‍ ഇനി മുന്നോട്ട് പോവാന്‍ കഴിയില്ല. മുഖ്യമന്ത്രിയെന്ന നിലയില്‍ ഞാന്‍ രാജി സമര്‍പ്പിച്ചിട്ടുണ്ട്. അത് പിന്‍വലിക്കാന്‍ തയ്യാറാണ്. പക്ഷേ ജനങ്ങളും എം.എല്‍.എ മാരും കൂടെ നില്‍ക്കണം.
പനീര്‍സെല്‍വത്തിന്റെ ഈ പ്രതികരണത്തിലും ക്ഷോഭത്തിലും തമിഴ്‌നാട് രാഷ്ട്രീയത്തിലെ വന്‍ മാറ്റത്തിന്റെ സൂചനയുണ്ട്. പാര്‍ട്ടി പിളര്‍പ്പിലേക്കാണ് നീങ്ങുന്നത്.
