താരസംഘടനയായ അമ്മയ്‌ക്കെതിരെ വിമര്‍ശനവുമായി വനിതാ കമ്മിഷന്‍. അമ്മ ഡബിള്‍ റോള്‍ കളി നിര്‍ത്തണമെന്ന് വനിതാ കമ്മിഷന്‍ അധ്യക്ഷ എം.സി.ജോസഫൈന്‍ പറഞ്ഞു.
അന്വേഷണം ദിലീപിന് അനുകൂലമാക്കാന്‍ അമ്മ ശ്രമിക്കുന്നത് അപലപനീയമാണ്. സിനിമയിലെ പെണ്‍കൂട്ടായ്മയുടെ പരാതി വിശദമായി പരിശോധിച്ച് നടപടി സ്വീകരിക്കും. ഇന്നസെന്റിന്റേയും മുകേഷിന്റേയും സംസാര രീതി തെറ്റാണെന്നും വനിതാ കമ്മിഷന്‍ വ്യക്തമാക്കി.
നേരത്തെ, നടിക്കെതിരെ ദിലീപിന്റേയും, സലിംകുമാറിന്റേയും ഭാഗത്ത് നിന്നുമുണ്ടായ പരാമര്‍ശങ്ങളേയും ജോസഫൈന്‍ വിമര്‍ശിച്ചിരുന്നു. നടിയെ അക്രമിക്കുന്നതിന് തുല്യമായ പരാമര്‍ശങ്ങളാണ് ഉണ്ടായത്. പ്രതിയും നടിയും സുഹൃത്തുക്കളാണെന്ന പരാമര്‍ശം നിഗൂഢമാണെന്നും വനിതാ കമ്മിഷന്‍ അധ്യക്ഷ പറഞ്ഞിരുന്നു.
