തിരുവനന്തപുരം; തലസ്ഥാന നഗരത്തിന്റെ പ്രവേശന കവാടമായ കഴക്കൂട്ടം നിയോജക മണ്ഡലത്തിലെ വികസം മുരടിപ്പിച്ച ഭരണ കക്ഷിയോട് പത്ത് ചോദ്യങ്ങളുമായി യുഡിഎഫ് സ്ഥാനാർത്ഥി ഡോ.എസ്.എസ് ലാൽ.
1. ശ്രീകാര്യം, ഉള്ളൂർ ഫ്ലൈഓവറുകൾ നിർമാണം ഇത് വരെ ആരംഭിക്കാത്തത് എന്ത് കൊണ്ട്❓
2. കഴക്കൂട്ടം – കേശവദാസപുരം നാലു വരി പാത നിർമാണം തുടങ്ങിവെക്കാത്തതിന് കാരണം എന്ത്❓
3. കഴിഞ്ഞ യുഡിഎഫ് സർക്കാർ സ്ഥലമെടുപ്പ് പൂർത്തിയാക്കി നിർമാണ ഉത്‌ഘാടനം നടത്തിയ കഴക്കൂട്ടം ബസ് ടെർമിനൽ എന്ത് കൊണ്ട് വൈകുന്നു❓
4. 2011ലെ യുഡിഎഫ് സർക്കാർ തുടങ്ങിവച്ച മെട്രോറെയിൽ പദ്ധതി അട്ടിമറിച്ചതാരാണ്❓
5. ടെക്നോപാർക്കിലെ ഐടി അനുബന്ധ, ഇതര മേഖലകളിൽ പ്രദേശവാസികൾക്ക് അർഹമായ തൊഴിലവസരങ്ങൾ നിഷേധിക്കുന്നതാരാണ്❓
6.സ്ത്രീസുരക്ഷയ്ക്കായി ടെക്നോപാർക്കിൽ സ്ട്രീറ്റ് ലൈറ്റും സിസിടിവി ക്യാമറ യും സ്ഥാപിക്കുന്നതിൽ ഈ ഗവൺമെന്റ് എന്താണ് പരാജയപ്പെട്ടത്❓
7. കഴക്കൂട്ടത്ത് ഫിലിം ഫെസ്റ്റിവൽ കോംപ്ലക്സ് നിർമ്മിക്കുമെന്ന ഉറപ്പ് പാലിക്കപ്പെട്ടോ❓
8. സ്പോർട്സ് ഹബ് കായികേതര ആവശ്യങ്ങൾക്കായി ദുരുപയോഗം ചെയ്ത് നശിപ്പിച്ചത് ആരാണ്?❓
9. ആക്കുളം കൺവൻഷൻ സെന്ററും അനുബന്ധമായ ആക്കുളം കായലിന്റെ ടൂറിസം വികസന സാധ്യതകളെ തടസ്സപ്പെടുത്തുന്നതാരാണ്❓
10.മെഡിക്കൽ കോളജിനെ എയിംസ് നിലവാരത്തിലേക്ക് ഉയർത്തുന്നതിന് തടസ്സം എന്തായിരുന്നു❓
മണ്ഡലത്തിലുടനീളം പൊള്ളയായ വാഗ്ദാന പെരുമഴമാത്രമാണ് എൽഡിഎഫ് സ്ഥാനാർത്ഥി നടത്തുന്നതെന്ന് ഡോ. എസ്.എസ് ലാൽ ആരോപിച്ചു. എൻഡിഎ സ്ഥാനാർത്ഥിക്ക് വികസന കാഴ്ചപ്പാടില്ലാതെ രാഷ്ട്രീയ ചർച്ചകൾക്ക് മാത്രമായി മുതിരുമ്പോൾ മണ്ഡലത്തിന്റേയും , തലസ്ഥാന ജില്ലയുടേയും, സംസ്ഥാനത്തിന്റേയുമായ സമഗ്രമായ വികസന നയമാണ് യുഡിഎഫ് ഈ തിരഞ്ഞെടുപ്പിൽ ചർച്ചയ്ക്ക് വെയ്ക്കുന്നതെന്നും ഡോ. എസ് എസ് ലാൽ പറഞ്ഞു.
