തിരുവനന്തപുരം: ഇഎം സി സിയുമായുള്ള കരാര് എന്.പ്രശാന്ത് ഐഎഎസിനെക്കൊണ്ട് ഒപ്പുവപ്പിച്ചത് പ്രതിപക്ഷ നേതാവ് രമേശ് ചെന്നിത്തലയാണെന്ന മന്ത്രി കടകംപള്ളി സുരേന്ദ്രന്റെ പ്രസ്താവനയില് പരിഹാസവുമായി വി.ഡി.സതീശന് എം.എല്.എ. മുഖ്യമന്ത്രി അറിയാതെ അദ്ദേഹത്തിന്റെ വകുപ്പില് അദ്ദേഹത്തിന്റെ കീഴിലുള്ള ഐ എ എസുകാരനെക്കൊണ്ട് ധാരാണാ പത്രത്തില് ഒപ്പുവെപ്പിക്കുക എന്നത് ഒരു നിസ്സാര കാര്യമല്ലെന്നും സതീശന് പറഞ്ഞു. ഫെയ്സ്ബുക്കിലൂടെയായിരുന്നു സതീശന്റെ പ്രതികരണം.
സതീശന്റെ ഫെയസ്ബുക്ക് പോസ്റ്റിന്റെ പൂര്ണ്ണ രൂപം….
ഇഎം സി സിയുമായുള്ള കരാര് പ്രശാന്ത് ഐ എ എസിനെക്കൊണ്ട് ഒപ്പുവപ്പിച്ചത് രമേശ് ചെന്നിത്തലയെന്ന് മന്ത്രി കടകംപിള്ളി സുരേന്ദ്രന്. ഈ പ്രതിപക്ഷനേതാവിനെ സമ്മതിക്കണം ! നമ്മുടെ മുഖ്യമന്ത്രി അറിയാതെ അദ്ദേഹത്തിന്റെ വകുപ്പില് അദ്ദേഹത്തിന്റെ കീഴിലുള്ള ഐ എ എസുകാരനെക്കൊണ്ട് എം.ഒ.യു ഒപ്പു വെപ്പിക്കുക എന്നത് ഒരു നിസ്സാര കാര്യമല്ല. മാത്രമല്ല ഒപ്പുവച്ചതിന്റെ പിറ്റേദിവസം അത് സര്ക്കാരിന്റെ നേട്ടങ്ങളുടെ പട്ടികയില് പെടുത്തി മാധ്യമങ്ങളില് പരസ്യവും വാര്ത്തയും!. എന്നിട്ടും മുഖ്യമന്ത്രിയും 19 മന്ത്രിമാരും അവരുടെ മുപ്പത് വീതമുള്ള പേഴ്സണല് സ്റ്റാഫും അറിഞ്ഞില്ല എന്നത് അതിനെക്കാള് കെങ്കേമം! എന്റെ കടകംപള്ളി..