ന്യൂഡല്ഹി: റിലയന്സ് ഇന്ഡസ്ട്രീസിന്റെ ഉടമ മുകേഷ് അംബാനിയുടെ ആസ്തിയില് വന് കുതിപ്പ്. അഞ്ചു മാസത്തിനുള്ളില് അദ്ദേഹത്തിന്റെ ആസ്തിയില് 45000 കോടി രൂപയുടെ ഉയര്ച്ചയാണ് ഉണ്ടായത്.
റിലയന്സ് ജിയോ ആണ് മുകേഷ് അംബാനിയുടെ വളര്ച്ചയ്ക്ക് കാരണം. കഴിഞ്ഞ സാമ്പത്തിക വര്ഷം അവസാനത്തോടെ 10.9 കോടി വരിക്കാരെയാണ് ജിയോ നേടിയത്. റിലയന്സ് ഇന്ഡസ്ട്രിയുടെ ഓഹരി മൂല്യം ഉയര്ന്നതും അദ്ദേഹത്തിന് മേല്കോയ്മ നല്കിയിട്ടുണ്ട്.
ഇതോടെ ഫോബ്സ് പുറത്തുവിട്ട ലോകത്തെ പ്രധാന വ്യവസായികളുടെ പട്ടികയില് രണ്ടാമതായി മുകേഷ് അംബാനിയും ഇടംനേടി. വ്യാവസായിക മേഖലയില് വൈവിധ്യമുണ്ടാക്കിയ 25 പേരുടെ പട്ടികയിലാണ് അദ്ദേഹം ഇടം നേടിയത്.
ആദ്യമായാണ് ഒരു ഇന്ത്യക്കാരന് ഈ അംഗീകാരം നേടുന്നത്.
മുകേഷ് അംബാനിക്ക് 2990 കോടി ഡോളറിന്റെ ആസ്തിയുള്ളതായാണ് കഴിഞ്ഞ ദിവസം കണക്കാക്കിയത്. ഡിസംബറിലെ കണക്കനുസരിച്ച് 710 കോടി ഡോളറിന്റെ വളര്ച്ചയാണ് ഉണ്ടായിരിക്കുന്നത്.