അനുഷ്ക ഷെട്ടി തകര്ത്തഭനയിച്ച ദേവസേന എന്ന കഥാപാത്രമാണ് നയന്താരയെ തേടിയെത്തിയത്. ചിത്രം മലയാളത്തില് ഒരുക്കുകയാണെങ്കില് നയന് ചെയ്താല് നന്നാവുമെന്ന് പലരും അഭിപ്രായപ്പെട്ടിരുന്നു. എന്നാല് അത്തരമൊരു അവസരം ശരിയ്ക്കും വന്നിട്ടും ഉപേക്ഷിച്ച നടിയാണ് നയന്.
ആ സമയത്ത് നയന് തമിഴില് കുറേയേറെ ചിത്രങ്ങളുമായി തിരക്കിലായിരുന്നു. ഡേറ്റിന്റെ പ്രശ്നം പറഞ്ഞാണ് നയന് പിന്മാറിയത്. മാത്രമല്ല, തമിഴ് വിട്ട് മലയാളത്തില് പോലും അധികം സിനിമകള് ചെയ്യാന് നയന് അന്ന് താത്പര്യമില്ലായിരുന്നു. തെലുങ്ക് ചിത്രങ്ങളും അങ്ങനെ തന്നെ.
അതുപോലെ രമ്യ കൃഷ്ണന് അവതരിപ്പിച്ച ശിവഗാമി എന്ന കഥാപാത്രത്തിന് വേണ്ടി ശ്രീദേവിയെ ആയിരുന്നുവത്രെ ആദ്യം എസ്എസ് രാജമൗലി പരിഗണിച്ചിരുന്നത്. എന്നാല് തമിഴില് വിജയ്ക്കൊപ്പം അഭിനയിച്ചുന്ന പുലി എന്ന ചിത്രത്തിന് അവസരം നല്കിയത് കൊണ്ട് ബാഹുബലി ഉപേക്ഷിക്കുകയായിരുന്നു.
ഹൃത്വിക് റോഷനും ജോണ് എബ്രഹാമിനും ബാഹുബലിയില് അഭിനയിക്കാന് അവസരം ഉണ്ടായിരുന്നു. ബാഹുബലി തെലുങ്കിലും തമിഴിലും ഹിന്ദിയിലുമായി സംവിധാനം ചെയ്യാനായിരുന്നു രാജമൗലിയുടെ ആദ്യ തീരുമാനം. അപ്പോള് നായകനെയും വില്ലനെയും മാറ്റി പരീക്ഷിക്കണമെന്നുണ്ടായിരുന്നു. ഹൃത്വിക് റോഷനെയും ജോണ് എബ്രഹാമിനെയുമാണ് അതിനായി കണ്ടെത്തിയത്. എന്നാല് പിന്നീട് ഈ തീരുമാനം മാറ്റി, തമിഴിലും തെലുങ്കിലും മാത്രമായി സംവിധാനം ചെയ്യുകയായിരുന്നു.