കൊച്ചി: നിര്‍മാതാക്കളും വിതരണക്കാരും ഒരുമിച്ച് തിയേറ്റര്‍ ഉടമകള്‍ക്കെതിരെ നടത്തുന്ന സമരം കടുക്കുന്നു. ഈമാസം 30 മുതല്‍ നിലവില്‍ തിയേറ്ററുകളില്‍ കളിക്കുന്ന അന്യഭാഷാ ചിത്രങ്ങളുള്‍പ്പെടെ പിന്‍വലിക്കാന്‍ നിര്‍മാതാക്കളുടെയും വിതരണക്കാരുടെയും യോഗം തീരുമാനിച്ചു.
ക്രിസ്മസിന് റിലീസ് ചെയ്യേണ്ടിയിരുന്ന ആറ് സിനിമകള്‍ തര്‍ക്കങ്ങള്‍ പരിഹരിച്ച് റിലീസ് ചെയ്യുമ്പോള്‍ ഫ്രീ റണ്‍ നല്‍കാനും തീരുമാനിച്ചതായി നിര്‍മാതാവ് സിയാദ് കോക്കര്‍ അറിയിച്ചു. ഈ ആറ് സിനിമകള്‍ റിലീസ് ചെയ്ത ശേഷമുള്ള നാല് ആഴ്ച മറ്റ് സിനിമകളുടെ റിലീസ് ഉണ്ടാകില്ല, അതാണ് ഫ്രീ റണ്‍. അതേസമയം സമരം ഒത്തുതീര്‍പ്പാക്കാന്‍ സര്‍ക്കാരിന്റെയോ, മറ്റ് സിനിമാ സംഘടനകളുടെയോ ഭാഗത്ത് നിന്ന് യാതൊരു ശ്രമവും ഇതുവരെ ഉണ്ടായിട്ടില്ല.
ക്രിസ്മസിന് ചില വിതരണക്കാര്‍ അന്യഭാഷാ സിനിമകള്‍ തിയേറ്ററുകളിലെത്തിച്ചിട്ടുണ്ട്
