തിരുവനന്തപുരം: കേരള കോണ്ഗ്രസ് (ബി) ചെയര്മാന് ആര്.ബാലകൃഷ്ണ പിള്ളയെ മുന്നാക്ക സമുദായ ക്ഷേമ കോര്പ്പറേഷന് ചെയര്മാനാക്കാന് തീരുമാനം. ഇന്നുചേര്ന്ന മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനമുണ്ടായത്. ക്യാബിനറ്റ് പദവിയോടെയാണ് ബാലകൃഷ്ണ പിള്ളയ്ക്ക് മുന്നാക്ക സമുദായ ക്ഷേമ കോര്പ്പറേഷന് ചെയര്മാന് സ്ഥാനം നല്കുന്നത്.
കലൂര് ജവഹര്ലാല് നെഹ്റു സ്റ്റേഡിയം മുതല് കാക്കനാട് വഴി ഇന്ഫോപാര്ക്ക് വരെയുളള കൊച്ചി മെട്രോ രണ്ടാം ഘട്ടത്തിന് പുതുക്കിയ ഭരണാനുമതി നല്കാനും മന്ത്രിസഭ തീരുമാനിച്ചു. 2577 കോടി രൂപയാണ് രണ്ടാം ഘട്ടത്തിന് ചെലവ് പ്രതീക്ഷിക്കുന്നത്.